Hilvan merkezê bajarî ra derbas beno û tenduristîya şarî ser o tesîrê neyênî keno Korçik Deresi de, bi xebata hempar a Hilvan Belediyesi û Şanlıurfa Büyükşehir Belediyesi, seferberîya pakkerdişê hîra dest pê kerde.
Ekîbê pakkerdişî, ke armancê înan qirêjîya ke cayê lajî de virazîyaya û xetereyê tenduristîye yê pê ra ameyî meydan ra wedaritiş o, xebatanê xo bi hessasî dewam kenê. Ekîbî xebatê pakkerdişî yê ke seba wedaritişê bêhna xirabe û neyênîyanê dormeyî yê mintiqa ra caard benê bê navber taqîb kenê; her wext pêşîya virazîyayîşê mêşikan û haşereyan zî gênê.
Eşbaşkanê Hilvan Belediyesi Serhan Paydaş û Garip Yeşil, bi ferasetê beledîyegerîya xizmet-merkezî, seba pawitişê tenduristîya şarî û berzkerdişê kalîteya ciwîyayîşî, xebatê ke dest pê kerdê bi biryardarî dewam kenê.

































